B-ayan ay masigla

Bayan ay Masaya

Bayan ay giginhawa

Kung tayong lahat ay nagkakaisa.

A-no at sino ang gagawa?

Iyan ang tanong ng madla

At saan tayo magsisimula?

Na gumawa ng tama.

Y-aring mga puso sana ay madama

Turuan magmahal at umunawa

Sa mga pangangailangan ng iba

Sapagkat  tayo ay tao may puso’t  diwa.

A-anhin ang kayamanan na sobrang-sobra

Magbigay naman sa mga kaawa-awa

Upang pagpalain ni Bathala

At ibabalik ang maraming biyaya.

N-a ito ay ginagawa hindi lamang sa salita

Magtulong-tulong tayo sa ating mga kapwa

Lalong-lalo na ang may sakit at maralita

Gawin na ngayon sapagkat bukas ay huli na.

I-kaw,ako,tayong lahat ay sama-sama

Upang ating mapaganda

Buhay ay maging masagana

Kung ang lahat ay magtutulungan na.

H-alika mga kapatid at makialam ka

Para sa ikakabuti ng ating kultura

Sandatahang Lakas ng Pilipinas at iba pang mga ahensya

Magtulong-tulong upang ang buhay ay mapayapa na.

A-ng buhay natin dito sa lupa

Ay hiram bigay ni Bathala

Kaya bigyan natin halaga

Magtulungan tayo sa mga gawain at magkaisa

N-ais ko lamang ipaala-ala

At palagi ilagay sa ating diwa

Na ang bayanihan ay hindi ka nag-iisa

Ito ay pagtutulungan, parang kapuso o kapamilya na nagkakaisa.

 Ni: SSg Rosario E Martorillas (WAC) PA

8TH Civil Relations Group, CRSAFP

 

Isa ka sa bagong inatasan ng Sadatahang Lakas ng Pilipinas

Na inaktibo na mahigit ng tatlong taon ang nakalipas

Upang maibsan ang mga dalamhati

Sa mga lugar, na ang mga tao hirap ang dinanas.

 

Sa walang humpay ninyong suporta at lakas

Pilit tinataguyod at walang pinapa-alpas

Ang pagtulong sa kapwa  at ang palad palaging bukas

Sa pangangailangan, lalong-lalo na sa mga sawing-palad.

 

Sa mga “Medical Mission at mga proyekto na inyong pinapatupad

Na nagsisilbing inspirasyon at lunas,

Sa mga taong nakinabang at sila ay nagpapasalamat 

Sa mga biyayang kanilang natanggap.

 

Mabuhay ka NADESCOM

Sa bukod-tangi mong misyon.

Na matulungan sa pagdarahop

Ang ating mga kababayang na lugmok.

 Ni: SSg Rosario E Martorillas (WAC) PA

8th Civil Relations Group, CRSAFP

 

Unti-unti  ng maaaninag

Ang sikat ng araw

Na nagbigay liwanag

Ang IPSP para sa bayan.

 

Dati-rati tayo ay naging bulag

Bingi, pipi at uhaw

Sa ating mga kapwa na sumisigaw

Ng katarungan at katotohanan ang lilitaw

 

Ngayon tayo ay magagalak

Na tuluyang pinapatupad 

Ng ating  pamahalaan ang IPSP ng AFP.

Na siyang nararapat.

 

Tayong lahat ay dapat magdiwang

Dahil malapit na natin makamtan

Ang totoong kapayapaan

Na dulot ng programang IPSP o Bayanihan.

 Ni: SSg Rosario E Martorillas (WAC) PA

8th Civil Relations Group, CRSAFP

 

Ilang dekada na ang nakaraan

Ang ating naranasan

Mga gulo na hatid ng ating mga kapatiran

Kagaya ng Abu Sayaff, CPP-NPA na nagtatago sa kabundukan

Kaya ako ngayon nananawagan

Sa buong sambayanang Pilipino, nitong kapuluan

Na itigil na ang mga hidwaan

Upang ang pagdanak ng dugo ay ating maiwasan.

Ano ang mga dahilan?

Kung bakit hindi tayo magkaunuwaan?

Hindi ba natin kayang magtulungan?

At higit sa lahat magbigay pag-ibig sa ating mga kapatiran

Na kapos o kulang ang nalalaman

Tungkol sa gusto ng ating pamahalaan

Upang ang kapayapaan ay ating makamtan

Ang isinisigaw ng puso’t kaisipan

Ang gusto ko’y kapayapaan.

 Ni: Annie E. Cruzada

 Civil Relations Service isang yunit ng AFP

Na mas kilala bilang CRSAFP.

Itinatag noong kasagsagan ng pagrerebelde

Nang mga taong-labas dekada 1950.

Mula kay Crisol at iba pang mga komander

Buong husay nagampanan ang mga tungkulin.

 

Minabuti ni dating DND Chief, Ramon Magsaysay

Na maglunsad ng yunit na nakatuon lamang

Kung paano masungkit ang puso at isipan ng mamamayan

Sa pakikibaka, sa kapayapaan at sa kaunlaran ng bayan.

OCR ay isinilang noong ikaisa ng Marso 1951.

 

Mula sa OCR naging CRS, PASAFP at CRS muli.

Iba't-ibang pangalan at iba't-ibang tungkulin

Subalit nakatuon pa rin sa pagbibigay serbisyo sa bayan

Tulay, tanglaw at gabay sa pagitan ng sundalo at sambayanan

O, CRSAFP, ikaw ang natatanging armas ng Sandatahan.

 Ni:  Ssg Rosario E. Martorillas (WAC) PA

8th CRG, CRSAFP

 

Isa ikaw sa mga biyaya

Na bigay ni Bathala

Na ikaw ang nagbulong sa aming mga pinuno

Na itatag ang ganitong programa.

 

KBP, kung daglatin sa igsing salita

Ikaw ay laking tulong, at buhay ay guminhawa

Lalong-lalo na ang ginawang kalsada

Ng ating mga inhenyerong masipag at matiyaga. 

 

Hindi na maglalakad upang magsamba

Hindi na magbubuhat ng mga  paninda

Dahil kahit liblib ay may sasakyan na pumupunta 

Dulot ay  labis na kasiyahan ang nadarama.

 Ni:  SSg Rosario E  Martorillas (WAC) PA

8th CRG,CRSAFP

 

Pagbalik tanaw sa nakaraan

Hirap ang mga tao sa kanayunan

Walang malinis na tubig at walang ilaw ang kanilang naranasan

Lalong-lalo na hirap sila sa paglakad patungong bayan.

 

Nang inilunsad ng ating pamahalaan

Ang programang  nagbigay kaginhawaan

Kung tawagin “Kalayaan Barangays Program”

Na ang dinulot ay kasiyahan at kaginhawaan.

 

Isa sa mga proyekto ay pagamutan

Upang ang may sakit ay malunasan

Pagdala sa bayan ay hindi na kailangan

At ang problema ay nabawasan.

 

Ang kasunod na proyekto ay paaralan

Na ito ay malaking tulong sa mga kabataan

Hinding-hindi na sila nahihirapan

Dahil mayroon na silang silid-aralan.

Saludo ang lahat na mga mamamayan

Sa ating mga kasundaluhan

Lalong-lalo na sa ating pamahalaan

Nang inilunsad ang “Kalayaan Barangays Program”

 Ni:  SSg Rosario E  Martorillas (WAC) PA